Makina birtual batean Ubuntu Server 12.04 instalatu dut (10GBeko disko birtuala sortu dut). Honekin eta Amazonen zerbitzariarekin  pixkanaka gauza gehiago ikasteko aukera izateko.

Instalazioa nahiko erraza da. Ez dago ezer berezirik. Instalazioan OpenSSH instalatu dut.

Erosotasuna dela eta, mahaigain ingurunea instaltzea ideia ona dela iruditu zait.

sudo apt-get update

sudo apt-get install ubuntu-desktop

Modu honetan, zerbitzari batean erabiliko ez ditugun programa asko instalatuko dira. Horregatik, errendimendua hobetzeko interfaze eta programa minimoak instalatzea gomendatzen dut.

sudo apt-get update

sudo apt-get install x-windows-system-core

sudo apt-get install gnome-core

sudo gksu

startx

Orain interfaze grafiko sinple bat eta programa minimoak ditugu.

Megaupload itxi zuten, baina elkarbanatzeko dugun grina ez.

Internetek mundu berri baten ateak ireki eta ezagutza partekatzeko bitartekoak eman dizkigu. Errealitatean ez bezala, mundu digital honetan gure fitxategi eta datuak besteren esku ere jartzen ditugu. Horregatik eta horretarako, zerbitzu ezberdinak jaio dira, tartean, ezagunenetarikoa: Megaupload.

Baina gauzak aldatu egin dira. Gobernuek Sareko askatasunarekin amaitu nahi dute, eta gurean apurtu.org webgunea itxi zuten bezala heldu zen, baita ere, Megaupload zerbitzuaren txanda, mundu zabalean milioika lagunek beren fitxategiak gorde edo elkarbanatzeko erabiltzen zuten zerbitzua, hain justu. Kaltetuetako askok, gainera, premium kontu bat zuten kontratatua, zerbitzua optimizatzeko. Itxieraren ondorioz, baina, datu horiek guztiak galdu dituzte, ez dituzte eskuragarri.

Itxieraren aurrean, protesta gisa, Anonymous taldeak FBIren web orrialdeari eraso egin eta zenbait orduz blokeatzea lortu zuen. Haserreak eta erantzun hauek, ordea, ez dute saihestu Megauploaden antzeko beste zenbait zerbitzuk badaezpadako neurriak hartu behar izatea. Esate baterako, Mediafire famatuak Google bilatzailean indexatzeari utzio dio. Honekin, Googleren bitartez eginiko bilaketetan ez agertzea lortu dute. Hortaz, Mediafire zerbitzarian ‘zintzilikatuta’ dauden fitxategiak eskuratu ahal izateko, ezinbestekoa da hauen helbidea ezagutzea.

Zorionez, eta nahiz eta honen inguruko albiste txarren zerrenda amaierarik gabekoa izan, badira albiste onak ere. Peer to peer (P2P) motako programek denbora luzez jarraituko dute martxan, hauen funtzionatzeko era legez kanpo uztea oso zaila izango baita. Izan ere, gure ordenagailua munduko beste edozein tokitan dagoen beste erabiltzaile batekin lotzen dute fitxategi banaketa egin ahal izateko. Beraz, besteak beste, eMule erabiltzen jarraitzeko aukera izango dugu denbora luzez. Bestalde, Torrent motako fitxategiak ditugu: thepiratebay.se edo isohunt.com web orrialdeek eskaintzen dituzten bilatzaileak erabiliz, .torrent fitxategi bat jaitsiko dugu. Fitxategi hau ireki ahal izateko, Vuze, uTorrent edo Bittorrent gisako programak eduki beharko ditugu instalatuta.

Dena den, zure fitxategiak Sarera igotzeko Megauploaden antzeko zerbaiten bila bazabiltza, dropbox.com, box.com edo minus.com orrialdeek eskaintzen dutena gustatuko zaizu. Hau guztia gutxi balitz, videozer.com, videobb.com eta series.ly atariei esker, filmak online ikusten jarrai dezakegu.

Ikusten duzuenez, aukera zabala dugu. Megauploadena ez da azken itxiera izango, baina Sarean beti izango dugu elkarbanatzeko ahalmena.

Publikazioa: http://www.gaztezulo.com/artikuluak_view.php?uuid=1917

Hauek dira jarraitu ditudan lehen pausoak LTS bertsio hau instalatu ondoren.

1- Ubuntu One instalatu:

Kasu honetan instalazioa oso erraza da. Ubunturen ezkerreko barran U1 ikonoan klikatuz nahikoa da. Dena dela, nire kasuan errore bat jaso dut. Konkretuki errore hau: https://bugs.launchpad.net/ubuntu/+source/ubuntuone-installer/+bug/853060

Hau saihesteko terminal baten bitartez instalatu behar dugu.

sudo apt-get install ubuntuone-control-panel-qt

2- Ubuntu One indicator instalatu

sudo add-apt-repository ppa:rye/ubuntuone-extras

sudo apt-get update

sudo apt-get install indicator-ubuntuone

3- Dropbox instalatu

Hemen https://www.dropbox.com/install?os=lnx .deb paketea jeitsi dezakegu

3- Chromium instalatu (Google Chrome nabegatzailearen bertsio askea)

sudo apt-get install chromium-browser

4- MyUnity instalatu.

sudo apt-get install myunity

5- Calibre instalatu

sudo apt-get install calibre

6- Gimp instalatu

sudo apt-get install gimp

Noski oraindik programa eta tresna dexente instalatu beharko direla, baina hauek dira nik lehen egunean instalatutakoak.

Atzo Googleek Googlee Drive zerbitzua aurkeztu zuen, Dropbox, Sky Drive eta Ubuntu One zerbitzuei aurre egiteko helburuarekin. Honela, 5GBeko disko gogor birtual bat dugu Googleen zerbitzarietan.

Esan beharra dut, Googleek ateratzen dituen produktu gehienak probatzea gustokoa dudala, eta hauetako asko egunero erabiltzen ditudala. Beraz, Google Drive probatzeko irrikatan nengoen (gaur egun Dropbox eta Ubuntu One erabiltzen ditut). Baina ez dut sorpresarik eraman. Azken finean Google Docs zerbitzuaren luzapen bat da. 1GBeko memoria 5 GBetara igo dute, eta dokumentuak atzitu ahal izateko PC (Windows), MAC eta Android sistema duten gailuentzako aplikazioak martxan jarri dituzte. Hurrengo asteetan IPhone eta IPadarentzat eskuragarri egongo da aplikazioa. Linuxentzat ordea, momentuz ez. Beraz, alde horretatik, -1 Google Drive.

Gainera, dakigunez, Google aspaldi deabru bihurtu zen, eta azken zerbitzu honekin bere maltzurtasuna argi utzi du. Zerbitzu honen pribatutasun politikan argi uzten du, disko gogor birtualera igotzen dugun GUZTIA GOOGLEENA BIHURTZEN DA.

Honako hau agertzen da lizentzian.

“When you upload or otherwise submit content to our Services, you give Google (and those we work with) a worldwide licence to use, host, store, reproduce, modify, create derivative works (such as those resulting from translations, adaptations or other changes that we make so that your content works better with our Services), communicate, publish, publicly perform, publicly display and distribute such content. The rights that you grant in this licence are for the limited purpose of operating, promoting and improving our Services, and to develop new ones. This licence continues even if you stop using our Services (for example, for a business listing that you have added to Google Maps).”

 

Beraz,  Google Drive diskora igotzen ditugun datuak erabili, erreproduzitu, eraldatu, lan eratorriak sortu eta publikoki erakusteko baimena dute. Horregatik, beste -1 Google Driveentzat!

Egoera honen aurrean, Dropbox eta Ubuntu One erabiltzen jarraituko dut. Dena dela, Google Chromeren lizentziarekin gertatu zen bezala, laster Driveren lizentzia aldatuko dutela uste dut. Momentu hori iritsi arte: agur Google Drive.

Android sistema eragilearentzat aplikazioak programatzeko java lenguaia erabiltzen da. Baina programatzeko hasteko egin beharreko lehen gauza, beharrezkoak diren tresnak instalatzea da. Kasu honetan, Eclipse, java JDK eta Android SDK dira instalatu beharreko tresnak.

Prozesu hau, Ubuntu 11.04 bertsioarekin egina dago, baina suposatzen dut beste bertsioekin oso antzekoa izango dela. Windows sistema eragilean ere, jarraitu beharreko pausoak oso antzekoak dira.

1- java JDK (Java Development Kit) instalatu

sudo add-apt-repository “deb http://archive.canonical.com/ natty partner”

sudo apt-get update

sudo apt-get install sun-java6-jre sun-java6-jdk sun-java6-plugin sun-java6-fonts

Instalatuta dugun bertsioa ikusteko:

java -version

2- Android SDK instalatu

Ondorengo helbidean, http://developer.android.com/sdk/index.html , .tgz paketea jeitsi eta deskonprimitu nahi duzun tokian. Adibidez zure /home direktorioan. Hau da, .tgz paketean dagoena erabiltzeko prest dago. Ez da ezer instalatu behar.

Android-sdk.-linux eko tools karpeta, gure sistemaren PATH aldagaira esleitu behar dugu. Horretarako, gedit programa erabili dezakegu. Egin beharreko gauza bakarra /home/erabiltzaile_izena/.bashrc fitxategiaren bukaeran aipatutako tools karpetaren helbidea itsatsi.

Nire kasuan /android-sdk-linux/tools helbidea da. Beraz terminal batean:

sudo gedit /home/aldakur/.bashrc

Esan bezala, azken lerroan honako hau idatzi dut::

export PATH=${PATH}:/android-sdk-linux_x86/tools

Behin hau eginda, irekiak dituzuten terminal guztiak itxi eta berri bat ireki. Oraingoa, android komandoa idazterakoan Android SDK Manager programa martxan jarriko da. “Permission Denied” errorea jasotzen baduzue ez larritu. android fitxategiari exekuzio baimena eman eman behar diogu. Beraz:

sudo chmod +x android

Ondoren, android komandoa exekutatzerakoan honako errore hau azaltzen bada:

(java: 4351): Gtk-WARNING **: Unable to locate theme engine in module_path: “pixmap”,

gtk2-engines-pixbuf paketea instalatu behar da.

sudo apt-get install gtk2-engines-pixbuf

Orain pakete berriak deskargatzeko momentua heldu da. Nire, kasuan, ondorengo irudian ikusi dezakezue aukeratu ditudan paketeak. Android 2.2 (API8) aukeratzeko arrazoia, nire Smartphonean android bertsio hori dudala da.  ;-)

Install Package aukeratu eta hurrengo aukeran, Acept All aukeratu. Zuen internet konexioaren arabera pakete guztien deskarga luze jo dezake, beraz pazientzia eduki.

3- Eclipse instalatu

http://www.eclipse.org/downloads/ orrialdetik deskargatu daiteke eclipse. Bertan, gure beharren arabera bertsio bat edo beste jeitsi dezakegu. Nik “Eclipse IDE for Java EE Developers” aukeratu dut, baina “Eclipse Classic 3.7.2″ ere  aukera ona izan daiteke.

Android-SDKrekin gertatzen den bezala ez da ezer instalatu behar. tar.gz motako pakete bat jeitsi dugu. Hau nahi dugun lekuan desenpaketatzearekin nahikoa da.

Ondoren eclipse fitxategia exekutatu eta zure proiektuak nun gordeko dituzun aukeratu. (workspace karpetaren kokalekua).

4- Android SKD Eclipsen instalatu

Jadanik instalazio guztiekin amaitzen ari gara, baina oraindik gutxi batzuk falta zaizkigu.

Oraingoan, eclipse exekutatu eta help => Install New Software aukeratu.

Add botoia sakatu eta ondorengo datuak idatzi.

name: Android Plugin (hemen nahi dezutena idatzi dezakezute)

location: https://dl-ssl.google.com/android/eclipse/

Ondoren pakete guztiak aukeratu eta instalatu.

Instalazioa amaitu ondoren, eclipse berrabiaraziko da eta android-sdk paketea instalatuta dugun tokia non dagoen eskatuko digu.

Puntu honetan, beharrezkoak diren programa eta pakete guztiak instalatuta eta konfiguratuta ditugu, baina azken gauza bat gelditzen zaigu. Android gailu birtual bat konfiguratzea! modu honetan, garatzen ditugun programak gailu birtualean probatzeko aukera izango dugu.

5- Android gailu birtuala konfiguratu

Windows => AVD Manager 

Orain AVD (Android Virtual Device) bat sortuko dugu. Horretarako New botoian sakatu.

Hauek dira nik sartutako datuak:

Ondorengo errorea jasotzen jasotzen baduzu (64bits):

SDK Manager] Failed to create the SD card.
SDK Manager] Failed to create sdcard in the AVD folder.

ondorengo instalazioarekin konponduko da:

sudo apt-get install ia32-libs

 Orain bai! lortu dugu, android aplikazioak garatzeko beharrezkoa den sistema instalatu eta konfiguratzea!

Ubuntu sistema eragilea sei hilabetero bertsio berri bat ateratzen du. Neretzat oso deserosoa da hain epe laburrean sistema osoa eguneratu behar izatea. Horregatik, Soilik LTS (Long Term Support) bertsioak instalatzeko erabakia hartu nuen. Bertsio hauek 2 urtetan behin eskuragarri daude eta bost urteetan zehar eguneraketak jasotzen dituzte.

23 egun barru Ubuntu 12.04 LTS bertsioa izango dugu eskuragarri. Horregatik, nire blogean banner txiki bat jartzea erabaki dut. Zuen blogean banner berdiña txertatu nahi baduzue hemen duzue beharrezkoa den kodea:

<a href=”http://www.ubuntu.com/”>
<img src=”http://www.ubuntu.com/countdown/banner1.png”
border=”0″ width=”180″ height=”150″
alt=”The next version of Ubuntu is coming soon”>
</a>

Irudi desberdinak jartzeko aukera dago. Horretarako “http://www.ubuntu.com/countdown/banner1.png” helbidea aldatu behar duzue. Hemen dituzue banner gehiago:

https://wiki.ubuntu.com/Website/PreciseCountdownBanner#Countdown_banners_for_Ubuntu_12.04_LTS

Nahiz eta, Googleen aldetiik konfirmaziorik ez izan, sarean zehar, hil honetan Google Drive zerbitzua gure artean egongo delaren zurrumurrua zabaldu da.

Google Drive, Dropbox, iCloud, Ubuntu One  eta hodei zerbitzua ematen duten aplikazioei aurre egiteko sortu du Googleek. Zurrumurruak diotenez, doako zerbitzuak 5GB eskeiniko ditu eta diru gutxiren truk hau zabaltzeko aukera izango dugu.

Dirudienez, Windows eta Android sistema eragilearentzako programa garatu dutela, beraz Linux erabiltzaileak pixka bat itxoin beharko dugu, eta web aplikazioarekin konformatu.

Gaur egun, Dropbox eta Ubuntu One kontu bana daukat eta  irrikitan nago zerbitzu berri honetan izena emateko.

Hemen duzu behar duzuna.

greba29.zip

Adi! Zure jatorrizko index fitxategia ondo gorde ordeztu baino lehenago.

Mota guztietako iruzurtiak ezagutu izan ditugu. Internetekin batera, baina, ‘espezie’ berriak sortu dira, bizkorragoak. Sarean aurrera eramateko moduko makina bat tranpa asmatu dituzte, beti ere poltsikoak betetzeko. Ezagunena Phising deritzona da eta banketxeen webguneak klonatzean datza. Ziberlapurrek zure banketxearen atariaren kalko bat garatzen dute, eta honela, gune horretan saioa hasten duzunean, zure erabiltzaile izena eta pasahitza eskuratzen dituzte.

Baina badira beste hacker batzuk iruzurra makillatuta enpresa legal baten antzera lan egiten dutenak; buruari pixka bat gehiago eragin eta egile eskubideetan oinarrituz iruzur mota desberdin bat jarri dute martxan: argazkiak alokatzen dituen negozio ‘legala’ sortu dute. Esate baterako, argazkiz eta irudiz jositako datu basea duen webgune bat garatzen dute. Argazki hauen guztien egile eskubideak web orrialdearen jabe den enpresa ustez legalak ditu, eta diru truke alokatzen dizkie web garatzaileei. Ondorioz, alokairua ordaintzen duen webmaster bakoitzak bere orrialdean irudiak txertatzeko aukera izango du. Honaino, dena legala. Baina badator tranpa.

Iruzurtiek sarean irudiak eta fitxategiak banatzeko erabiltzen diren aplikazio eta zerbitzarietara beraien argazkiak igotzen dituzte. Honela, beraien egile eskubideak dituzten argazki eta irudiak Sarean zehar sakabanatzea lortzen dute. Horrenbestez, web garatzaileei zuzendutako iruzurraren amua prest dago. Web garatzaileek, euren guneen diseinua osatzeko, Interneten eta fitxategiak elkarbanatzeko aplikazioen bidez argazki eta irudi interesgarriak bilatzen dituzte. Honela, ohartu gabe, aipatutako egile eskubideak dituzten argazkiekin egiten dute topo eta erabili egiten dituzte egile eskubideak urratzen ari direla jakin gabe.

Azken pausoa falta da soilik. Hackerrek Sareko webguneak eskaneatzen dituzten programak garatu dituzte. Modu honetan, beraien argazkiak non eta noren esku dauden jakiteko gai dira. Argazkiaren erabiltzaileak ez badu zegokion alokairua ordaindu… zast! Ziberlapurrak erabiltzaile horrekin edo bere enpresarekin jarriko dira harremanetan, eta izugarrizko diru kantitate handia eskatuko diote salaketa ez jartzearen truke. Gehienetan, epaiketak saihesteko, eskatutako dirua ordaintzen dute ‘biktimek’.

Honelako tranpetan ez erortzeko, komeni da gauza bat argi izatea: lizentzia idatzita ez duen edozein argazkik edo irudik egile eskubide guztien babesa dauka de facto. Hau da, Copyright lizentziapean daude. Ondorioz, hauek erabili nahi baditugu, jabearen baimena beharko dugu. Horregatik, beste lizentzia mota bat duen materiala erabiltzea da egokiena, Creative Commons adibidez. Beraz, webgune bat garatzerako garaian, search.creativecommons.org bezalako orrialdeak balia ditzakegu irudiak aurkitzeko, gure beharren arabera gauzatuz bilaketa eta etorkizunean arazorik izango ez dugula ziurtatuz.

Publikazioa: http://www.gaztezulo.com/artikuluak_view.php?uuid=1903

Sortzailea zara? Kultura zalea? Edo kulturgune bat? Orduan, Topopass da zure txokoa, Iparraldetik heldu zaigun eta euskal kulturari haizea eman nahi dion plataforma parte hartzailea.

Euskara eta euskal kultura presente dauzkagu Interneten, gero eta webgune eta tresna gehiago baititugu gure hizkuntzan eskuragarri. Hauei esker, herrietako karriketan bezala, Sareko txokoetan ere euskara eta euskal izaera bizirik daudela adierazten eta aldarrikatzen dugu egunero, bilaketak euskaraz eginda gure hizkuntzaren beharra eta praktikotasuna aditzera ematen dugun moduan; Europako zaharrena izanik ere, teknologia berrien baitan aktore aktiboa dela erakusten dugu.

Topopass plataforma kulturala da horren adibide. Ipar Euskal Herritik iritsi zaigu gure sormenaren mesedetan diseinaturiko proiektu interesgarri hau. Sarea eta honek eskaintzen dituen tresnak baliatuta, Euskal Herrian egosten diren egitasmo kulturalei bultzadatxo bat ematea lortzen ari da eta, horregatik, artista edo kultura zale amorratua baldin bazara, ezin duzu denbora gehiago galdu. Eman izena! Fermin Muguruza abeslariak, Oskorri musika taldeak, Lesakako gazte asanbladak, 7 Katu gaztetxeak eta Black & Basque festibalak beren txokoa sortu dute jada, beste askoren artean. Ikusten duzuenez, estilo eta izaera guztietako parte hartzaileak.

Topopass hiru zatitan banatzen da: Artistak, Lekuak eta Kideak. Lehenengoa artista profesionalei edo amateurrei zuzendua da; Lekuak, aldiz, jaialdi eta kultur hitzorduen antolatzaileei zuzendua; eta Kideak atalak, ordea, publikoa du xede.

Plataforman izena ematen dugularik, soslai bat sortu eta kudeatzeko aukera dugu, Facebookeko profil bat balitz bezala. Profil hau orri ezberdinekin hornitu dezakegu eta, modu honetan, artisten kasuan adibidez, obrak aurkeztu, irudi eta bideoak igo, agendaren berri eman eta abar. Gainera, musika talde edo bakarlariek beren musikarekin Playlistak presta ditzakete, plataformako erabiltzaileek entzun ditzaten. Bestalde, Soslai atalean, hormatxo baten antzera, gure mugimenduen berri eman dezakegu. Azken hau kulturguneentzako da aproposa, azken orduko albisteak edo aldaketak zabaltzeko.

Sarrera orrian Sarearen azken mugimenduen berri izan dezakegu eta, hauekin batera, Euskal Herriko agenda orokorra kontsultatu. Gainera, Topo Map gunean, herrialdearen araberako artistak, lekuak edo kideak bila ditzakegu eta gogoko ditugunak zehaztu. Hau gutxi balitz, Topo Radio ere badugu eskura, bertan izena eman duten artisten abestiak entzuteko.

Horrenbestez, Topopass plataforma artistak, publikoa eta kulturguneak nahiz jaialdi antolatzaileak elkarrekin harremanetan jartzeko aukera eskaintzen duen sare soziala da. Euskalduna, Euskal Herrikoa eta euskal herritarrentzat pentsatua.

Publikazioa: http://www.gaztezulo.com/artikuluak_view.php?uuid=1891