ANDROID APPS: (Barcode Scanner – DiskUsage – Windguru)

Andorid sistema eragilearentzat gomendatzen ditudan aplikazio batzuk.

Honekin, Sarean edo kalean aurkitzen ditugun QR guztiak irakurriko ditugu. Edozer gauza egon daiteke horrelako kode baten atzean: izen bat, telefono zenbaki bat, webgune bat edo ekitaldi baten aurkezpena. App honekin zalantzak alde batera utziko dituzu segundo gutxitan: zure smartphonaren kamera QR kodera enfokatu besterik ez dugu egin behar. Gainera, produktuen barra kodeak ere irakurtzeko gai da. Honela, produktuari buruzko informazioa lortuko du eta Sarean non erosi dezakegun zehaztuko digu.

Gure smartphoneak bi memoria izaten ditu. Alde batetik barne memoria, eta bestetik guk sartutako SD txartelarena. Askotan, batez ere barne memoriaren kasuan, agortu egiten denean ez dugu jakiten zerk okupatzen duen hainbesteko espazioa. DiskUsage aplikazio honek memoriaren erabilpena aztertzen du, eta koloredun grafiko eder baten bidez aurkezten ditu emaitzak. Honela, aplikazio edo fitxategi bakoitzak erabiltzen duen memoria kopurua edo tamaina ikusteko aukera izango duzu.

Euskal Herriko surflari eta arraunlarien artean oso ezaguna da itsasoaren egoeraren berri ematen duen www.windguru.cz gunea: olatuen tamaina, haizearen abiadura eta norabidea, tenperatura… Orain, informazio hori guztia aplikazio batean bilduta izango duzu. Sareko atarian erabiltzaile berri bat aktibatzen baduzu, eta leku gogokoenak aukeratzen badituzu, hauek ere aplikazioan agertuko zaizkizu.

Publikazioak:

- http://www.gaztezulo.com/kritikak/aplikazioak/barcode-scanner-android

- http://www.gaztezulo.com/kritikak/aplikazioak/diskusage-android

- http://www.gaztezulo.com/kritikak/aplikazioak/windguru-android-iphone