Bizitokitik Covid19 Android aplikazioa

Bizitokitik Covid19 Android aplikazioa

Gaindegiak argitartutako web orrialdean ispiratuta “Bizitokitik” aplikazioa garatu dut. Gazteleraz “Desde Casa” izenarekin argitaratuko da argitaratu da Google Play-ean (https://play.google.com/store/apps/details?id=net.aldakur.bizitokitik). Gaur egun, Google Play-ean aplikazioak argitaratzeko prozesua motelagoa izaten ari da (7 egun inguru), beraz bitartean POST honetan izango duzue APK fitxategia aplikazioa zuen mugikorretan instalatzeko.

Aplikazioaren helburua sinplea da. Bizitokitik kilometro bateko eremua bistaratu eta zure uneko posizioa bertan azaltzen da.

Aplikazioa lehen aldiz exekutatzerako orduan etxean egon behar duzu. Modu honetan, aplikazioak zure uneko posizioa gorde eta beharrezko eremua marraztuko du. Zure bizitokia eta eremua aplikazioaren memorian gordeko da. Ez dira datuak hodeian gordetzen zure pribatutasuna bermatuz.

Aplikazioa deskargatu eta instalatu

Ondorengo edozein lotura erabili dezakezu:

https://play.google.com/store/apps/details?id=net.aldakur.bizitokitik

https://labur.eus/bizitokitikcovid19

Ondoren dagoen informazioa zaharkituta dago. Gaur egun aplikazioa Google Playean egonik pauso hauek ez dira beharrezkoak.
Deskargatutako fitxategia exekutatu eta iturburu ezezaguneko aplikazioak instalatu ahal izateko baimenak onartu .

Hemen instalazioaren bideoa:

Lizentzia librea

Garatzen dudan guztia bezala, aplikazio hau ere lizentzia librean argitaratuta dago. Zehazki GPLv3 lizentziapean.
Hemen aplikazioaren iturburu kodea:

https://github.com/aldakur/bizitokitik-desdecasa

Uneko posizioa oker hartzen badu

Azkar eta egun gutxi batzuetarako (espero dut) garatutako aplikazioa da. Beraz, gerta liteke hasiera batean uneko posizioa ondo hartu ez izana eta eremua munduko edozein tokitan marraztu izana. Hala gertatuko balitz, konponketa erraza da. Hauek dira jarraitu beharreko pausuak.

1. Menura joan eta Ezarpenak aukeratu.
2. Goian azaltzen den bilatzailean aplikazioaren izena jarri eta aplikazioa aukeratu.
3. Memoria botoia sakatu.
4. Garbitu Biltegia botoia sakatu.
5. Aplikazioa ireki.