Nexus 4 – Lehen pausoak

Gaur jaso dut oparitu didaten Nexus 4 bat. Egia esan opari oso ona dela iruditzen zait, ezta? 😉
Orain arte Android sistema duten bi gailu izan ditut: HTC Wildifre (Android 2.2) eta HTC Nexus One (Android 2.3). Beraz, hau da nire lehen Android 4.x.

Hardwarearen aldetik ez dut hitz egingo. Hemen duzue Smartphone honen ekipamendua https://play.google.com/store/devices/details?id=nexus_4_8gb&feature=microsite .

Neri interesatzen zaidana sistema eragilean ikusi ditudan aldaketak dira. Soilik pare bat ordu daramat sakelekoarekin, baina zertxobait aurkitu dut. Gehien gustatu zaidana: bi gailuetako (HTC Nexus One eta LG Nexus 4) aplikazio eta konfigurazioen transferentzia egiteko Androidek eskaintzen dituen erraztasunak.

Gailu zaharrean segurtasun kopiak egiteko aukera automatikoki gaituta dago. (Menu – Ajustes – Copia de seguridad de datos).  Aukera honen deskribapenak dioen bezala, Google zerbitzarietan gure aplikazioen, konfigurazioen, wifi sareen pasahitzak eta hainbat datu gehiago gordetzen dira.

Beraz, gailu berria pizten dugunean, eta gure gmail kontua sartu ondoren, segurtasun kopia guzti hori berreskuratzeko aukera proposatzen digu Androidek. Androidek? edo Google Jainkoak? edo Google poliziak? galdera hauen erantzunak norberaren hausnarketarako uzten ditut 🙂

Beraz, minutu batean, gailu zaharrean zeuden aplikazioak gailu berrian instalatzen dira. Hau poza! jeje.

Hala ere, argazkiak eta aplikazio batzuen konfigurazioa ez zaizkit gailu batetik bestera pasa.  Zaharrean SD txartela nituelako. Beraz, hori “eskuz” egin behar izan dut. (Ubuntu erabiltzen baduzue ez da erraza izango. Hori beste post baterako).

Pribatasunaren gaiarekin lotuta beste aukera oso ona aurkitu dut Android 4.2 sisteman. Behintzat 2.2 eta 2.3 bertsioetan ez dut inon ikusi. Aukera mugikorrean dagoen informazio guztiaren zifraketa da. Argi dago gaur egun gure sakelekoan dugun informazioa oso oso garrantzitsua eta pribatua dela. Beraz, hau galtzen badugu bere edukia salbu dagoela jakiteak asko lasaitzen du.

Menu – Ajustes – Privacidad aukeran Encriptación aukera aurkitutzen da. Esan bezala dugun informazio guztia enkriptatuko da. Ondorioz, gailua pizten dugun bakoitzean pasahitz bat (guk aukeratutakoa) eskatuko digu. Adi! Enkriptazioaren prozesuak ordu bete inguru iraungo du eta sakelekoak entxufatuta egon beharko du.

Bestalde, Jelly Bean-en dagoen iterfazea oso ona iruditu zait orokorrean. Erakargarria eta erabiltzeko oso erraza. Menu “botoia” ez egotea pixka bat nahasia iruditzen zait, baina ohitura falta izango da besterik gabe.

Bukatzeko esan beharra dut, kamararekin 360 graduko argazkiak ateratzeko aukera pasada bat dela! ez dakit askotan erabiliko dudan ala ez, baina pasada bat da!