Ubuntu 13.10 (Saucy Salamander) eskuragarri

Sei hilabetero Ubuntu sistema eragilearen bertsio berri bat dugu eskuragarri. Oraingoan Saucy Salamander bertsioaren txanda iritsi da. Beti bezala, web orrialde ofizialetik jeitsi dezakegu .iso fitxategia.

Bertsio honek ezaugarri nagusi bat du. Smartphone eta Tabletentzat lehen bertsio egonkorra da. Zehazki, Galaxy nexus, Nexus 4, Nexus 7 eta Nexus 10 gailuetan instalatzeko aukera dago.

2005ean hasi nintzen Ubuntu eta Linux munduan murgiltzen, eta oso gustora nabil. Hasiera zaila izan daiteke, baina instalazio guztia burutu ondoren eta egun batzuk Ubunturekin jardun ondoren ez dut Windowsera itzuli nahi duen inor ezagutzen.

Linux munduan murgildu nahi baduzue, eta galderak baldin badituzue, hemen izango naiz laguntzeko prest.