Ez da software librearen problema izan II (BigBlueButton vs Discord/Google Meet/Zoom/Teams)

Aurreko postari jarraipen bat emanez (Ez da software librearen problema izan (Moodle vs Classroom) irakasleok klaseak telematikoki lantzeko ditugun aukera libre eta ez libre batzuk aztertuko ditut.

BIG BLUE BUTTON

Moodle sistema eskalagarria edo moldagarria da. Hau da, lehenetsita datozen aukerez gain beste batzuk ezartzeko aukera eskaintzen du. Horretarako, plugin sistema bat dauka. Nik nire ikastetxean erabiltzen dudan Moodlelean Big Blue Button erabiltzeko aukera dut. Ez dakizutenontzat, Big Blue Button software librea da eta klaseak telematikoki emateko behar ditugun tresnaz baliatzen gaitu. Arbel digitala, Txata, pantaila partekatzeko aukera, kamera, audioa… Moodleen 3 pausu sinple jarraituz gela birtual bat prest utzi daiteke. Konfinamendu egoera honen aurrean klase telematikoak egiteko hau zan buruan nuen lehen aukera.

Moodleekin gertatu zan bezala, oraingoan BigBlueButton zerbitzaria porrot egin zuen. Kasu honetan, oker ez banago BigBlueButton sistema kudeatzen duen enpresaren arazoa izan zan eta ez Eusko Jaurlaritzarena. Dena den, esan beharra dago, Moodleekin gertatu zen bezala eta zetorren egoera ikusita Eusko Jaurlaritzak BigBlueButton softwarea zerbitzari propioetan instalatu eta zerbitzua emateko aukera eskaini behar zuen. Behintzat hori da nire iritzi xumea. Modu honetan, ez genuen hirugarren baten zerbitzaririk erabili beharrik.

Arazoa konpontzeko BigBlueButton zerbitzariak kudeatzen dutenok, gela digitalak sortzeko aukera mantendu zuten baina murrizketa batzuekin. Ezin ziren saioak grabatu eta saio bakoitzaren iraupena gehienez 30 minutukoa izan behar zuen. Ondorioz, sistema honen erabiltzearen aukera bertan behera utzi nuen. Egun batzuk geroago, 60 minutura luzatu zuten murrizketa. Gehiengoentzat nahikoa izan zitekeen arren niretzako gutxiegi izaten jarraitzen zuen.

DISCORD

Lankide batek proposatuta Discord programa erabiltzen hasi nintzen eta emaitzak positiboak izan ziren. Ezagutzen ez duzuenontzat, batzuk gure garaiko IRC txatekin konparatzen dute, baina eskaintzen dituen aukerak zabalagoak dira. Gainera, ikasleek ezagutzen duten programa da. Gamer munduan oso ezaguna omen da. Bere aukeren artean hauek aipatuko nituzke:

• Ikasleek tresna ezagutzen dute.
• Edozein partaideren pantaila partekatu daiteke.
• Pantaila partekatzen duzunean zein ikasle “sartu” da pantaila ikustera jakin dezakezu.
• Momentu berean ikasle bat baino gehiagok pantaila parteka dezake.
• Ikaslea jokuren batea jolasten ari bada ikusi daiteke.

Baina, Discord ez da software librea.

GOOGLE MEET, ZOOM EDO TEAMS

Dena den, irakasle askok Google Meet, Zoom edo Teams aplikazioak erabiltzea erabaki dute. Guztiak aukera antzekoak eskaintzen dituzte, beraz norberaren erabakiaren esku gelditzen da aukeraketa. Adi! azken asteetan Zoom programarekin zer ikusia duten segurtasun arazo pila kaleratu baitira.

JITSI

Jitsi aplikazioa aipatu gabe ezin dut post hau amaitu. Jitsi Google Meet, Zoom edo Teams aplikazioak bezala, bideo deiak egiteko softwarea da. Imaginatu dezakezun bezala, software librea da eta berarentzat post bakarra merezi du. Nire ustez, familiarekin zein lagunekin hitz egiteko programa oso ona. Nola ez, lan bilerak egiteko ere.

BALIABIDEAK

Amaitzeko, Big Blue Button da nire ustez behar dugunarentzat aukera egokiena. Klase telematikoak egiteko diseinatuta baitago baina ez ditugu beharrezko baliabideak prest eduki. Berriro ere, ez da software librearen problema izan.