Ez da software librearen problema izan III (NextCloud vs Google Drive)

Aurreko Postak

Aurretik idatzitako bi postei amaiera emateko, datuen biltegiratzeari buruz hitz egin nahiko nuke.

Ez da software librearen problema izan (Moodle vs Classroom)

Ez da software librearen problema izan II (BigBlueButton vs Discord/Google Meet/Zoom/Teams)

Egia esateko izenburua ez dator bat gaur egun bizi dugun COVID-19ren egoerarekin. Hau da, ikastetxe gehienek ez dira Google Drive zerbitzua erabiltzen hasi konfinamendua dela eta. Oker ez banago Google Drive zerbitzua oso barneratua dago gure ikastetxeetan, baina aurreko bi postetan azaldutako informazioa borobildu nahian NextCloud buruz hitz egin nahiko nuke eta software libre hau inplementatzeko egon daitezkeen arazo nabarmenak aipatu.

Google Drive

Aurkezpen gutxi behar duen zerbitzua da Google Drive. Dropbox-eri aurre egiteko Googleen biltegiratzen sistema da. Gure fitxategiak hodeian gorde eta edozein ordenagailutik eskuratu ditzazkegu. Prozesu hau errazteko bi tresna desberdin eskaintzen dituzte.

• Backup and Sync. Erabilpen pribatura zuzenduta.
• Drive File Stream. Enpresa arlora zuzenduta.

Agian, etorkizunean post batean azalduko dut bi aukera horien desberditasuna. Kasu honetan interesatzen zaiguna ikastetxeetan Google Drive-ek izan duen gorakada eta zergatia aztertzea. Bere zerbitzu garrantzitsuenen artean honako hauek aipatuko nituzke:

• Ofimatikan erabiltzen diren fitxategi arruntenak sortzeko eta moldatzeko aukera.
  • odt, ods, odp, doc, docx, xls, xlsx, ppt, pptx…
• Taldeka momentu realean editatzeko aukera.
• Fitxategi zein karpetei baimen ezberdinak esleitzeko aukera (Sortu, moldatu, ezabatu, ikusi….).
• Google kontuekin integrazioa era batekoa da. Ezer instalatu gabe, ezer konfiguratu gabe erabili daiteke.

NextCloud

NextCloud, hodeian fitxategiak biltegiratu eta kudeatzeko dugun software librea da.

Software libre guztia bezala gure zerbitzari propioan instalatu eta gure fitxategiak gure babes eta kudeaketa propioan izateko aukera eskaintzen digu. Moodle bezala, NextCloud pluginetan oinarritzen da. Ondorioz, sistemari erabilpen kasu gehiago instalatzeko aukera daukagu.

Bestalde, Google Driven bezala dokumentuak online editatu nahi baditugu Collabora zerbitzuarekin konbinatu beharko genuke. Gainera, Iametza-ri esker Xuxen Collaboran integratuta guztiontzat erabilgarri dugu.

Beraz, software librea den soluzio honekin Google Drivek eskeintzen dituen aukera guztiak ditugula esan dezakegu. Ez hori bakarrik, Moodleekin integratu daiteke. Honela Classroom eta Google Driven dagoen lotura NextCloud eta Moodleekin eduki daiteke. Hau da, NextClouden ditugun fitxategiak Moodleen erabili ditzazkegu.

Nik bi zailtasun ikusten dizkiot NextClouderi. Lehena, instalazioa eta mantenua ez dela erraza. Hau da, informatikari batek egin beharrekoa da. Bigarrena, datu bolumen handi batez hitz egiten ari garenez biltegiratze ahalmen handiko zerbitzari ahaltsuak behar dira. Baina, hau ez da aitzakia. Gobernu batek beharrezko informatikariak eta zerbitzariak izateko gaitasuna eduki beharko luke.

Enpresa txikiei begira, datuak hodeiean biltegiratzeko baliabideak izatea zaila izan daiteke, baina, horretarako badira Talaios Kooperatiba bezalako enpresak zerbitzu hau eskaintzen dutenak. Gainera, Talaios Kooperatibak, erabiltzaileen pribatutasuna eta software librearen erabilpena bermatzeagatik ospe handia du sektorean.

Beraz, oraingoan ere, baliabideekin topo egin dugu ala gauzak desberdin egiteko gogo faltarekin?