Twitch.tv-rekin flipatzen

Beti berandu

Betidanik berandu iritsi naiz leku guztietara. Leku fisiko zein digitalak. Gezurra badirudi ere, Messenger erabiltzen ez nintzen lehenengoetarikoa izan , ezta Tuenti sare-soziala erabiltzen ere ez. Facebook kontua ireki nuenean milioika erabiltzaile zituen eta Instagram aplikazioan izena eman nuen argazkiak editatzeko sare sozial bat zela ustez. Azkenik, Twitter (2006) kontua sortu nuen 2009. urtean.

Imagina dezakezun bezala, ez dut TikTok aplikazioa (erabiltzeko intentziorik ez daukat) eta orain dela egun gutxi batzuk arte apenas ulertzen nuen Twitch-en gertatzen ari den fenomenoa.

Twitch.tv

Zerbitzuaren helbideak dioen bezala (.tv) telebista plataforma bat da Twitch. Zehazki, streaming bidezko bideoak dira. Hau da, zuzeneko bideoak. Orokorrean Gamer mundura zuzenduta dago, baina geroz eta gai ezberdinak jorratzen dituzten streaming kanalak daude. Adibidez, nik zientzia eta espazioan oinarrituta dagoen Alex Riveiroren kanala jarraitzen dut. Baita, Nebukai euskaldunarena ere. Azken hau, jokuen streaming-etara zuzenduta dago eta Leire Palaciosek zuzendutako sarean irratsaioaren kolaboratzailea da. Azkenik, laster mundu honetan murgilduko den antukun ere jarraitzen hasi berri naiz.

Twitch euskaraz

Plataforma global hauekin gertatu ohi den bezala, euskara baztertuta dago. Momentu berean milaka streaming-en artean gustukoa duguna aurkitzeko plataformak barne bilatzaile bat dauka. Bilaketa hau mugatu daiteke gaia eta hizkuntzare arabera. Imagina dezakezun bezala, euskara ez dago aukera horien artean. Horregatik, Nebukai bultzatuta eta naiz.eus laguntzarekin Twitch plataformak euskara onartu dezan eskaera zabaldu da. Twitterren #3000TwiTZ traola eta 300Twitz kontua martxan dira jada.

Eskaera betetzeko hemen: https://labur.eus/3000TwiTZ

Ibai Llanos munduko Streamer onenaren saria

La resistencia programaren bitartez ezagutu nuen Ibai Llanos gazte Bilbotarra. Dirudienez tipo hau famatua egin da bideo jokuen partidetan hizlari bezala egiteagatik eta pasaden astean munduko streamer onenaren saria eman zioten.

Aurten Twitch plataforman kontua ireki eta ia gauero Streming-ak egiten ditu. Batzuetan, Among Us jokura jolasten du, beste batzuetan youtube bideoak ikusten ditu edo momentuan okurritzen zaion beste gauzaren bat. Hau da, bere kanalean egunero gauza desberdinak ikusi daitezke.

Zuzeneko bakoitzean 100.000 pertsona inguru konektatzen dira

Niri flipatzen utzi dit gauero ia 100.000 pertsona inguru konektatzen direla bere Streaming-era. Pasaden egunean adibidez, PS5 kontsolaren aurkezpen bideoa erakutsi zuen zuzenean. Alde batetik Ibaiek, baina baita Rubius youtuberrak ere. Beno ba, bien artean 375.000 pertsona baino gehiago bildu zituzten pantailaren aurrean. Nik ezin dut sinistu, baina hala da.