Megaupload itxi dute. Zergatik?

Posted on by
Reply

Txat bidez jaso nuen mezua: “Megaupload itxi dute eta Anonymousek FBIren web orrialdea erasotu du“. Lehen momentuan harrigarria iruditu zitzaidan, baina 10 minutu ondoren gauzak argi nituen. Juxtu WordPress, Google eta Wikipedia bezalako orrialdeak SOPA legearen aurkako itxialdi digitala burutu ondoren, sarean fitxategiak elkarbanatzeko dagoen biltegi digital handiena ixtea ez zen kasualidadea. Mezu zuzen bat zan:

Adi egon! sarean ez zarete inoiz aske izan, eta zarete inoiz izango!

Egunak pasa ahala gai honen inguruan informazio gehiago kaleratzen ari da, eta jakin izan dudanez, Megaupload ikaragarrizko proiektu bat zuen esku artea. Proiektu hau aurrera aterako balitz (Agian Megaupload ez den beste norbaitek martxan jarri dezake) gaur egun ezagutzen dugun musika industriaren eredu ekonomikoa erabat eraldatuko luke.

Proiektu hau, MegaBox izeneko musika denda berezia zen. Berezia zergatik? ba bere oinarriak edo funtzionatzeko era honako hau izango zelako:

1- Artista bakoitzak bere musika megaBox zerbitzura igo eta berak erabakitako prezio batera salduko zuen.

2- Diska bakoitzaren salmentaren %90 artistarentzat izango litzake eta %10 (hemen dago nobedade aipagarriena) MegaBoxek beraien musika doan jartzea erabaki duten artisten  artean banatuko luke. Artista bakoitzak lortutako deskarga kopuruaren arabera erabakiko litzake zenbat diru merezi duen. Noski, %10 horretatik, zerbait (gaur egun zehaztu gabea) MegaBoxentzako izango litzake.

 

Zoritxarrez, Megaupload itxi dute, beraien zerbitzu guztiak gelditu eta ondorioz zerbitzarietan zeuden fitxategi guztiak konfiskatu.

Egoera honi aurre egiteko, eta protesta moduan, Anonymousek “Martxo beltza” deituriko oparizioa martxan jartzeko deia zabaldu du. Hona hemen komunikatua:

 

Informazioa gehiago: http://www.omicrono.com/2012/01/la-verdad-tras-el-cierre-de-megaupload-megabox-iba-a-revolucionar-el-mercado-discografico/

Software librea (I). Zer da?

Posted on by
2

Free Software Foundation

Ba al dakizu zer den software librea?

Zuetako gehienek doako programak direla uste du, baina software librea ez da hori bakarrik, eta ez du zertan doakoa izan behar. Software librea, FSF (Free Sofware Fundation)-en arabera, ondorengo lau eskubideak betetzen dituen softwarea da:

0. Helburua edozein dela ere, programa exekutatu ahal izatea.

1. Programa aztertu eta aldatu ahal izatea. (Horretarako beharrezkoa da kodea eskuratu ahal izatea)

2. Programaren kopiak zabaldu ahal izatea.

3. Programa hobetu, eta hobekuntzak horiek publiko egin ahal izatea, komunitatearen onurarako.

Lau eskubide hauek betetzen dituen programa oro librea da. Beraz, posible da software librea saldu eta erostea, nahiz eta ohikoa ez izan.

Software librearen barnean lizentzia mota asko daude. Hau da, aipatutako lau eskubideak bermatzen dituzten lizentzia asko daude, baina lizentzia bakoitzak “klausula” desberdinak ditu eta ondorioz murrizpen gehiago edo gutxiago.

Lizentzia baktzuk:

GPL, AGPL, BSD, MPL, COPYLEFT…

Open Source

Bestalde, software irekia (Open source) dugu. Jende askok nahasten ditu software librea eta software irekia, baina FSF-k dioen bezala, filosofikoki oinarri ezberdineko mugimenduak dira. Nahiz eta praktikan Open Source Softwareak eta software libreak lizentzia asko banatzen dituzten, badira zenbait kasu (ez asko) non lizentziak irekiak diren, baina ez askeak.

Dena dela, post honen helburua ez da, Software ireki eta askearen arteko desberdintasunen berri ematean baizik eta argi edukitzea software libreak ez duela zertan doako softwarea izan beharrik.

Hurrengo post batean, Linux eduki gabe software librea erabiltzen hasteko gomendioak emango ditut.

iturria: euskal wikipedia

 

Guk pribatutasuna galdu, haiek dirua irabazi

Posted on by
Reply

Zuri buruz zuk zeuk baino gehiago dakien norbait dago. Ez dakizu non dagoen, ezin duzu ukitu, baina kontatzen diozun guztia gordetzen du.

Ikaragarria da Internetek biltzen duen eduki kopurua. Hau dena kudeatzeko, beste batzuen artean, Google bilatzailea sortu zen. Honi esker, bilatzen ari garen informazioa era azkar eta eroso batean aurki dezakegu Sarean. Denbora epe laburrean, bi lagunen arteko proiektu txiki baten gisara jaio zena multinazional bilakatu da. Hamar urte geroago, beste piztia heldu zen, Facebook sare soziala, eta honekin batera anonimotasuna amaitu zen Interneten. Agur ezizenak, orain izen eta abizenak dabiltza hor zehar, amaraunean.

Google eta Facebook naturaltasunez erabiltzen ditugu konektatzen garen bakoitzean. Munduko enpresa boteretsuenetarikoak dira, baina doako zerbitzua eskaintzen dute. Nola da posible? Nondik lortzen dute dirua? Bi hitz gako negozio hau ulertzeko: informazioa eta publizitatea

Google erabiltzen dugun bakoitzean, gure bilaketak datu base batean gordetzen dira. Modu honetan, Googlek gure interesak ezagutzen ditu. Gainera, bilatzaile soila izatetik haratago, beste hainbat zerbitzu ere eskaintzen dizkigu: e-mail kontuak (Gmail), dokumentuak gorde eta editatzeko aukera (Gdocs), agenda (Gcalendar)… horrenbestez, gure e-mailen, dokumentuen, eta agendako datuen berri ere badu, besteak beste. Alegia, gure interesen eta eguneroko bizitzaren inguruko informazio guztia dute eskuragarri.

Facebookek, bestalde, gure izen-abizenak, lagunak, txutxu-mutxuak, argazkiak, zaletasunak, ideologia, atsegin ditugun orriak… ezagutzen ditu; dena, horman idazten dugun guztia. Pentsa zein garrantzitsuak diren datu hauek ezen Googlek berak ere bere sare soziala atera berri baitu, Google Plus, informazio hau guztia lortzeko.

Izan ere, enpresei publizitate eraginkorra eskaintzeko erabiltzen dute informazio hau. Esan bezala, atsegin dugun edo interesatzen zaigun guztiaren berri dute, eta enpresa multinazionalak dirutza ordaintzeko prest daude publizitate zuzena egitea ahalbidetzen dien datu hauen truke. Horregatik eskaintzen dituzte doan zerbitzu hauek. Zuk haien zerbitzua erabil dezazun nahi dute, zuri buruz gehiago jakin ahal izateko eta hau saltzeko.

Ez da artikulu honen asmoa Google eta Facebook baztertzera bultzatzea, baina bai atzean dagoen informazio trafikoaz ohartaraztea. Gu ez gara zerbitzu hauen jabe. Bertan txertatzen dugun guztia, ordea, euren esku geratzen da; datuok aztertu egiten dituzte eta dirua irabazten dute gure kontura.

Publikazioa: http://www.gaztezulo.com/artikuluak_view.php?uuid=1863

Hiru hilabetez Ubuntu One erabiltzen

Posted on by
Reply

Orain dela hiru hilabete Ubuntu One eta Dropbbox zerbitzuei buruzko post bat idatzi nuen. Denbora honetan bi zerbitzuak erabiltzen jarraitu dut eta probatxo batzuk egiten, ondorio batzuk atera ahal izateko.

Nire ustez, Dropbox Ubuntu One baino garatuagoa dago, baina lehengoan aipatzen nuen bezala, pribatasun aldetik Ubuntu One nahiago dut. Terms of  Service eta Privacy Policy orrian,  Canonical-ek argi uzten du gure datu pertsonalak zaintzen dituela eta ez dizkiola inorri bidaliko, legeak edo epaile batek kontrakorik esan ezean. Bestalde, gure datu batzuk jasotzen dituztela aipatzen du, baina hauek anonimoki gorde eta aztertzen dituzte. Datu bilketa hau, estatistikak eta funtzionamenduaren azterketak egiteko erabiltzen dituzte soilik. Gainera, formulario bat betez, Canonical-ek guri buruz dituen datu pertsonal guztiak email batean bidaliko dizkigu. Nire kasuan, goiz batean bete nuen formularioa eta arratsaldean bertan jaso nuen erantzuna. Bertan adierazi zidaten, soilik nire izena, abizena eta email kontua zutela beraien esku.

Baina oraingoan ez naiz pribatasun kontuetan murgilduko, Ubunu One zerbitzuaren funtzionamenduan baizik. Esan bezala, hiru hilabete inguru daramat erabiltzen, eta nahiz eta nahiko garatua egon, oraindik gabezia nabermenak ditu (batez ere Dropboxetik baldin bazatozte). Mahaiganeko aplikazioa erosoa da. Gure home karpetan Ubuntu One izeneko karpetatxo  bat dugu, eta bertan sartzen dugun guztia automatikoki doan dugun 5GB-eko hodei zatitxora dijoa.  Ubuntu One ez den beste  karpetak igotzeko aukera ere badago. Fitxategien egoera ez da motela, baina ez du lortzen Dropboxek duen abiadura edukitzea. Egia esan, ez dakit nola lortzen duen Dropboxek hain abiadura azkarra fitxategi sinkronizazioan.

Smartphonentzat Ubuntu One File aplikazioa dugu. Lehen bertsioak aukera gutxi zituen, baina gaur egungo 1.0.4.1 bertsioa oso ondo dago. GNU affero GPL v3 lizentziapean dago, hau da, askea noski! eta honako aukerak ditu:

- Gure hodeiean ditugun fitxategi guztiak eskuragarri edukitzea.

- Irudiak, audioa, bideoak edo bestelako fitxategiak igo / ezabatzeko aukera.

- Karpeta berriak igotzeko aukera.

- Hodeiean ditugun karpeta / fitxategien izena alda daiteke.

- Mugikorrarekin ateratzen ditugun argazki guztiak automatikoki aldez aurretik aukeratutako karpeta batera igo daitezke.

 

Guzti honekin, ez duzu nahikoa? lasai, Canonical-ek Windows sistema eragilearentzat bertsio bat garatu du. Gaur egun 2.0.2 bertsioa dago deskargatzeko eta hau instalatuz gero gure hodeia Windows sistema eragilea duten ordenadoreetan eskuragarri izango dugu.

Beraz, nik argi daukat. Geroz eta gehiago erabiltzen ari naiz Ubuntun One eta pixkanaka pixkanaka Dropboxen ditudan datuak ezabatzen.  Egia esan behar badut,  Dropbox  oso ondo garatua dago eta bere funtzionamendua primerakoa da, baina Ubuntu One-ek asko aurreratu du azken hilabetetan, eta konfidantza handia ematen dit zerbitzuari buruz eta bertan txertatzen ditugun datuei buruz eskuragarri dugun informazioak.  Hau da, Canonical-ek argi utzi nahi du zer egiten duen gure datuekin. Baina, Dropbox-ek berdina esan al dezake?

Helbide interesgarriak:

Ubuntu One: https://one.ubuntu.com/

Ubuntu One Blog: http://voices.canonical.com/ubuntuone/

Introducing Ubuntu One Files App for Android: http://voices.canonical.com/ubuntuone/?p=954

Zalantzak? Iruzkin bat utzi edo email bat bidali. ;-)

Nabigatu euskaraz kanpainarekin bat

Posted on by
Reply

Badakit denbora dexente daramala “Nabigatu Euskaraz” kanpainak martxan, baina ni www.aldakur.net blogaren bitartez gaur hasi naiz parte hartzen. Kanpaina polita iruditzen zait, jende askok ez baitaki euskaraz nabigatzeko aukera dagoela. Kanpainaren orrialdeak dioen bezala:

 

Zure nabigatzaileak Lehenengo hitza euskaraz egin dezan bultzatzeko kanpaina da. Zure nabigatzaileak (menuak edozein hizkuntzatan egon arren), zure hizkuntza hobespenei buruzko informazioa ere ematen du. Hau da, zuk zein hizkuntza nahiago duzun esaten du webgune batera sartzerakoan.

Eta zertarako?

Euskararen pisu espezifikoa Interneten handitzeko (zure nabigatzaileak esaten baitio munduari zein den zure Interneteko ama hizkuntza). Euskara Interneteko hizkuntzarik erabilienen artean jarri behar dugu. Web garatzaileei, Robotei eta Interneteko enpresa handiei erakutsi behar diegu euskaldunok ere existitzen garela; Interneten bagaudela.

    • Webgune eleanitzetan, zuzenean euskarazko bertsioa jaso dezazun.

 

  • Programa bat deskargatzeko orduan, zuzenean euskarazko bertsioa jaso dezazun (baldin badago).

Beraz, badakizue, euskaraz nabigatzen ez baduzue, blog honetan agertu zaizuen abisuari kasu egin eta nabigatzailea euskaraz nabigatzeko konfiguratu!

Google Euskal Presoen kontra? manipulazioa?

Posted on by
1

@laiamarquez en bitartez iritsi zait ondorengo informazioa. Badirudi, Google ez dagoela Euskal Presoak Etxeratzearen alde. Begira zer gertatzen den, Euskal Presoak Euskal Herrira katalanera edo gaztelerara itzultzen duenean:



Ez dakit zehazki nola funtzionatzen duen Google Translatek (oker ez banago algoritmoa sekretua da), baina interneteko web orrialdeetaz baliatzen da hizkuntza bat “ikasteko”. Zenbat eta web orrialde gehiago hizkuntza batean, hobeagoa izango da itzulpena. Horregatik, euskarazko itzultzailea ez da oso zehatza, baina hau onartezina da. Seguru google-espainiak (madrileko egoitzak) ez duela honen berri?

 

iturria: https://twitter.com/#!/laiamarques/status/140804191508639744

Haizearen eskutitza Olentzerori, by @betihesean

Posted on by
Reply

@betihesean-ek bere blogean idatzi duen azken posta pila bat gustatu zait, eta hori zabaltzeko asmoarekin, post honetan txertatuko dut zatitxo bat.

Kaixo Olentzero maitea,

Berriro ere gabonak iristear daude, eta urtero bezala, zuri idazteko garaia heldu zaigu. Badakizu beti bezala ondo portatu naizela, etxerako lanak egin ditut, beste umeekin nire gauzak konpartitu ditut, goiz oheratu naiz eta ez dut aita gehiegi haserretu.

Azkenaldian aita pozik dago, baina ez dut ulertzen zergatik. Amonarekin gauza arraroetaz hitz egiten du, ulertzen ez ditudan gauzetaz hitz egiten du. Gauza arraro batetaz hitz egiten ari dira momenturo, amnistia edo horrelako zerbait diote, paretaren batetan ere irakurri dut hitz hori azkenaldian baina ez dakit zer esan nahi duen.

Larunbatean Ama ikusten egon nintzen, Valladoliden, kostatu zait izena ikastea: Va – lla – do – lid. ikastolan ikasten ari gara lurraldeen izenak eta Valladolid Castilla Leon deituriko herrialde baten erdi erdian dago, han ez dago itsasorik. Lehen, Valencian, bazegoen, hori bai gogoratzen dut ongi, han jaio nintzen ni. Eta Valencian itsasoa zegoen eta aitak eramaten ninduen udan itsasora, hondartzara eta gero ama ikustera joaten ginen. Gehiago irakurri

.

Post osoa irakurri